Hermann Ágúst Björnsson kom inn á sem varamaður í kvöld þegar Grindavík vann óvæntan 2-1 sigur á KR í Pepsi Max-deildinni í kvöld.
Lestu um leikinn: Grindavík 2 - 1 KR
Þetta var hans fyrsti leikur í efstu deild. Hann var hættur í fótbolta en í fyrra lék hann með ÍH í 4. deildinni. Hann fékk að koma í Grindavík fyrir sumarið.
„Í rauninni var kominn tími að taka sigur hér heima. Ég er ánægður að taka þátt í því," sagði Hermann Ágúst eftir leikinn.
„Það var ungur og efnilegur Hafnfirðingur sem kom inn á og sigldi þessu heim. Nei, þetta var geggjaður leikur og skipulagðið gekk upp. Túfa er fótboltaheili og leggur upp ákveðna taktík sem gekk upp í dag og skilaði þessum punktum."
„Það var í raun frekar ólýsanlegt," sagði Hermann um fyrsta leikinn í efstu deild. „Ég var hættur þessu og þetta var ekki í myndinni fyrir hálfu ári eða svo."
„Það er búið að vera mikið áreiti í kringum mann hvort maður sé ekki að fara að fá mínútur fyrst maður er í þessu. Ég treysti Túfa ágætlega fyrir þessu og ég er ekki að fara að segja honum fyrir verkum nema í þágu fantasy-liðsins míns sem hefur ekki verið að ríða feitum hesti í fyrstu umferðunum. Það gerir það héðan frá."
„Það er vitað mál að ég er ekki að fara að skæra hann fram hjá þremur og fjórum og lúðra honum í skeytin, ekki fyrr en það líður aðeins á tímabilið. Ég átti að koma inn á og djöflast aðeins."
Viðtalið er í heild sinni hér að ofan.
Athugasemdir