Einar Óli að störfum í gærkvöldi.
Það hafa aldeilis verið vandræði í kringum lið Vals þessa vikuna í kringum margumtalað mál Gary Martin og þrátt fyrir sigur á Fylki í gærkvöldi héldu vandmálin líka áfram innanvallar þar sem ýmislegt gekk á.
Einar Óli Þorvarðarson sjúkraþjálfari liðsins þurfti að glíma við öll þessi vandamál, rifinn skór Kristins Inga, Bjarni Ólafur fór úr lið á fingri eftir að hafa fengið glóðarauga fyrr í leiknum, Lasse Petry fór á sjúkrahús vegna meiðsla og Andri Adolphsson fór meiddur af velli.
Myndirnar hérna að neðan sýna ævintýri Einars Óla.
Kristinn Ingi Halldórsson reif skóinn sinn. Einar Óli bjargaði honum með því að teipa hann.
Lasse Petry gat ekki staðið í fæturna eftir tæklingu.
Hann þurfti á endanum sjúkrabörur til að bera hann út í sjúkrabíl.
Andri Adolphsson fór meiddur af velli.
Einar Óli nýbúinn að kippa Bjarna Ólafi í lið á fingri og að hefjast við að teipa hann saman.
Bjarni Ólafur með glóðarauga.
Athugasemdir
