Marc Mcausland og Elias Tamburini eru í liði umferðarinnar eftir sýna frammistöðu í 2-1 sigri Grindavíkur á KR í Grindavík í gærkvöldi. Vörnin er fimm manna að þessu sinni.

Með Grindvíkingunum í vörninni eru síðan Damir Muminovic, Orri Sigurður Ómarsson og Birkir Valur Jónsson sem fær það hlutverk að vera í væng-bakverði.

Fyrir aftan vörnina stendur í markinu í annað sinn í sumar, Árni Snær Ólafsson sem hélt hreinu í 2-0 sigri ÍA á FH.

Á miðjunni eru þeir Ásgeir Marteinsson sem átti stjörnuleik í fyrsta sigri nýliða HK í deildinni þegar liðið lagði ÍBV 1-0 að velli. Með honum á miðjunni er síðan Hilmar Árni Halldórsson. Hilmar Árni var drjúgur í 3-2 sigri Stjörnunnar á Víkingi R. ásamt Þorsteini Má Ragnarssyni sem er í holunni.

Það er síðan tveir Skagamenn sem leiða framlínuna. Bjarki Steinn Bjarkason skoraði bæði mörk Skagamanna og með honum í framlínunni er Tryggvi Hrafn Haraldsson sem er í liði umferðarinnar í þriðja sinn í sumar.

Sjá einnig:
Lið 3. umferðar
Lið 2. umferðar
Lið 1. umferðar

Það var tekið óvenju langt Innkast eftir 4. umferðina enda nýr liðsmaður vígður inn! 80 mínútur af boltaumræðum #fotboltinet https://t.co/SG4JrL4Jhx

— Fótbolti.net (@Fotboltinet) May 17, 2019