Massimiliano Allegri hættir sem stjóri Ítalíumeistara Juventus eftir tímabilið. Félagið staðfesti þetta rétt í þessu.
Allegri mun ásamt forráðamönnum félagsins ræða við fréttamenn á fundi á morgun en á sunnudag leikur Juventus sinn síðasta heimaleik á tímabilinu í ítölsku A-deildinni, gegn Atalanta.
Allegri mun ásamt forráðamönnum félagsins ræða við fréttamenn á fundi á morgun en á sunnudag leikur Juventus sinn síðasta heimaleik á tímabilinu í ítölsku A-deildinni, gegn Atalanta.
Allegri hefur verið í fimm ár hjá Juventus og unnið Ítalíumeistaratitilinn öll árin. Alls hefur hann unnið ellefu bikara sem stjóri liðsins.
Tvívegis hefur hann náð að koma liðinu í úrslitaleik Meistaradeildarinnar en það voru vonbrigði á þessu tímabili að ná ekki að komast upp úr 8-liða úrslitum, eftir að hafa keypt Ronaldo síðasta sumar.
Allegri og stjórn Juventus hafa mikið fundað undanfarna daga en niðurstaðan er sú að best sé að slíta samstarfinu.
Athugasemdir