„Skammarlegt og ber að biðjast afsökunar," sagði Þórir Hákonarson íþróttastjóri Þróttar á Twitter í kvöld.
Þar tjáði hann sig um ábendingu Hafliða Breiðfjörð ljósmyndara Fótbolta.net á leik Þróttar og Víkings Ólafsvík í Inkasso-deildinni sem fór fram á Eimskipsvellinum í Laugardalnum í kvöld.
Hann benti á að á meðan leiknum stóð hafi reiðhjólastrákur á fleygiferð, stelpa með hamborgara, gamall maður í göngutúr, stelpuhópur, hjólabrettastrákur og fleiri farið í gegnum boðvang Víkinga á meðan leiknum stóð.
Þrótti ber að hafa öryggisgæslu á leikjum en hún var engin í kvöld og því gat hver sem er valsað um í kringum starfsmenn og varamenn liðanna að vild.
„Svona getur farið því miður þegar öryggisgæslan er öll að bera út hróður ísl.knattspyrnu í Skotlandi. Tek þetta á kassann og heyri í Ólsurum sem sýndu fína frammistöðu í sigurleik," bætti Þórir við á Twitter.
Skammarlegt og ber að biðjast afsökunar á. Svona getur farið því miður þegar öryggisgæslan er öll að bera út hróður ísl.knattspyrnu í Skotlandi. Tek þetta á kassann og heyri í Ólsurum sem sýndu fína frammistöðu í sigurleik.
— Thorir Hakonarson (@THakonarson) May 17, 2019
Athugasemdir