banner
   sun 19. maí 2019 06:00
Ívan Guðjón Baldursson
Bandaríkin: Dagný með sjálfsmark í fyrsta tapleik Portland
Mynd: Getty Images
Washington Spirit 3 - 1 Portland Thorns
1-0 Ashley Hatch ('16)
2-0 Dagný Brynjarsdóttir ('47, sjálfsmark)
2-1 Caitlin Foord ('67)
3-1 Jordan DiBiasi ('71)

Dagný Brynjarsdóttir lék allan leikinn á miðjunni hjá Portland Thorns í 3-1 tapi gegn Washington Spirits í bandaríska kvennaboltanum.

Ashley Hatch gerði eina mark fyrri hálfleiksins og leiddu heimamenn 1-0 í leikhlé. Þeir tvöfulduðu forystuna í upphafi síðari hálfleiks þegar Dagný varð fyrir þeirri ólukku að gera sjálfsmark. Dagný var afar óheppin og fékk boltann í sig eftir hornspyrnu.

Caitlin Foord minnkaði muninn en Jordan DiBiasi gerði út um viðureignina skömmu síðar.

Portland er með átta stig eftir fimm umferðir. Washington er á toppi deildarinnar með tíu stig.
Athugasemdir
banner
banner
banner