KR nálgast toppliðin
Rúnar Kristinsson, þjálfari KR.
KR tók á móti HK í fimmtu umferð Pepsi Max deildarinnar í kvöld. Heimamenn komumst í 3-0 og virtist sigurinn ætla að verða ansi öruggur en tvö mörk frá HK undir lokin hleyptu spennu í leikinn. Nær komust gestirnir þó ekki og 3-2 sigur KR því staðreynd.
Rúnar Kristinsson þjálfari KR var sáttur með þrjú stig í lok leiks en viðurkennir að hann hafi verið orðinn ansi stressaður í lokin.
„Já ég verð að viðurkenna það, ég var mjög stressaður. Ég var líka stressaður fyrir leik. HK er með gott lið. Þeir eru með gott skipulag, stóra sterka stráka og flinka leikmenn frammi sem eru stórhættulegir," sagði Rúnar eftir leikinn.
Rúnar Kristinsson þjálfari KR var sáttur með þrjú stig í lok leiks en viðurkennir að hann hafi verið orðinn ansi stressaður í lokin.
„Já ég verð að viðurkenna það, ég var mjög stressaður. Ég var líka stressaður fyrir leik. HK er með gott lið. Þeir eru með gott skipulag, stóra sterka stráka og flinka leikmenn frammi sem eru stórhættulegir," sagði Rúnar eftir leikinn.
Lestu um leikinn: KR 3 - 2 HK
Rúnar segir sigurinn ansi mikilvægan og var ánægður með margt í leiknum.
„Mér fannst við bara mjög agaðir í þessum leik. Gekk margt upp sem við vorum að reyna þó þetta hafi kannski ekkert verið fallegasti fótboltinn. Við þurftum bara virkilega á þremur stigum að halda í dag. Það var algjörlega nauðsynlegt og við fórum ákveðnar leiðir í því sem heppnuðust og ég er bara sáttur að ganga af velli með sigur eftir þennan darraðardans í restina."
Nánar er rætt við Rúnar í sjónvarpinu hér fyrir ofan.
Athugasemdir
