Svo gæti farið að íslenska landsliðið haldi sæti sínu í A-deild Þjóðadeildarinnar. UEFA er að skoða breytingar sem yrðu til þess að liðin sem féllu úr A-deildinni í fyrra muni halda sæti sínu.
Ísland var í A-deildinni og lenti þar í riðli með Belgíu og Sviss. Ísland tapaði öllum leikjum sínum og féll úr A-deildinni.
Sky Sports segir frá því að UEFA sé að skoða að fjölga liðum í A-deild þannig að það yrðu fjögur lið í hverjum riðli, en ekki þrjú lið. Þetta sé til þess að fækka þýðingarlitlum vináttulandsleikjum enn frekar.
Ásamt Íslandi þá féll Þýskaland, Pólland og Króatía úr A-deildinni. Ef breytingarnar taka gildi þá myndu þessar þjóðir vera áfram í A-deild.
Þjóðadeildin á að hefja göngu sína aftur í september á næsta ári.
Sjá einnig:
Þjóðadeildin gæti hjálpað Íslandi að komast á EM
Athugasemdir
