Haukar fóru í Mosfellsbæ og unnu þar góðan sigur gegn Aftureldingu. Þórður Jón Jóhannesson og Arnar Aðalgeirsson skoruðu mörk Hauka í fyrri hálfleik með skalla. Staðan var 2-0 að loknum fyrri hálfleiknum.

Djordje Panic minnkaði muninn fyrir Aftureldingu á 70. mínútu, en heimamenn komust ekki lengra og lokatölur 2-1 fyrir Hauka sem geta loksins fagnað sigri.

Haukar eru komnir upp úr fallsæti og eru með sex stig eins og Afturelding. Magni er á botninum með fimm stig.

Töframaðurinn Ejub með sína menn á toppinn
Ejub Purisevic virðist alltaf ná að búa til gott lið þrátt fyrir miklar mannabreytingar hjá Víkingi Ólafsvík. Hann er kominn með sína menn á topp deildarinnar eftir útisigur gegn Fjölni.

Sallieu Capay Tarawallie og Martin Cristian Kuittinen skoruðu fyrir Ólsara í fyrri hálfleik. Albert Brynjar Ingason minnkaði muninn fyrir Fjölni úr vítaspyrnu áður en Ívar Örn Árnason tryggði sigur Víkings. Lokatölur 3-1.

Víkingur er á toppi deildarinnar með 13 stig eins og Fjölnir. Ólafsvíkingar eiga leik til góða á Fjölni. Þór kemur næst með 12 stig, en Þórsarar leika við Leikni í lokaleik umferðarinnar á laugardag.

Það er ekkert meira Ejub en að hirða toppsætið af "besta" liði deildarinnar á útivelli með marki frá Finna, Síerra Leóna og auðvitað einum good shit íslenskum lánsmanni. Töframaður.

— Tómas Þór Þórðarson (@tomthordarson) June 13, 2019

Fram virtist vera á leiðinni á toppinn lengi vel. Fram var 2-1 yfir gegn Gróttu þegar lítið var eftir, en strákarnir hans Óskars Hrafns Þorvaldssonar gáfust ekki upp og náðu að snúa leiknum sér í vil síðustu mínúturnar.

Pétur Theódór Árnason jafnaði á 83. mínútu og skoraði Axel Freyr Harðarson sigurmarkið í uppbótartíma. Mikil dramatík í Safamýrinni í kvöld.

Í stað þess að fara á toppinn er Fram með 11 stig, líkt og Grótta. Liðin eru í fjórða og fimmta sæti.

Þróttarar með endurkomu í Keflavík
Í Keflavík kom Þróttur Reykjavík til baka gegn heimamönnum sem komust snemma yfir. Adam Ægir Pálsson kom Keflavík yfir þegar sex mínútur voru liðnar.

Staðan var 1-0 í hálfleik, en Þróttarar komu af miklum krafti inn í seinni hálfleikinn. Daði Bergsson jafnaði og kom Rafael Victor liði Þróttar yfir. Aron Þórður Albertsson gerði þriðja mark Þróttar og ekki voru liðnar 20 mínútur af seinni hálfleik.

Frábær byrjun í seinni hálfleiknum skilaði Þrótti þessum sigri og er liðið í sjöunda sæti með 10 stig. Keflavík er einnig með 10 stig í sjötta sæti.

Afturelding 1 - 2 Haukar
0-1 Þórður Jón Jóhannesson ('5 )
0-2 Arnar Aðalgeirsson ('37 )
1-2 Djordje Panic ('70 )
Lestu nánar um leikinn

Keflavík 1 - 3 Þróttur R.
1-0 Adam Ægir Pálsson ('6 )
1-1 Daði Bergsson ('53 )
1-2 Rafael Alexandre Romao Victor ('58 )
1-3 Aron Þórður Albertsson ('63 )
Lestu nánar um leikinn

Fram 2 - 3 Grótta
0-1 Sölvi Björnsson ('4 )
1-1 Frederico Bello Saraiva ('32 )
2-1 Frederico Bello Saraiva ('35 )
2-2 Pétur Theódór Árnason ('83 )
2-3 Axel Freyr Harðarson ('90 )
Lestu nánar um leikinn

Fjölnir 1 - 3 Víkingur Ó.
0-1 Sallieu Capay Tarawallie ('14 )
0-2 Martin Cristian Kuittinen ('34 )
1-2 Albert Brynjar Ingason ('51 , víti)
1-3 Ívar Örn Árnason ('76 )
Lestu nánar um leikinn

Hér að neðan má sjá stigatöfluna í deildinni. Það gæti tekið hana nokkurn tíma að uppfæra sig