Hazard var númer 10 hjá Chelsea og er einnig með það númer hjá belgíska landsliðinu.

Þegar hann var kynntur til leiks hjá Real Madrid viðurkenndi hann að hann hefði reynt að fá það treyjunúmer líka hjá Real Madrid. Luka Modric er númer 10 hjá Madrídarstórveldinu.

„Ég hef talað við Modricí gegnum (Mateo) Kovacic," sagði Hazard, en hann og Kovacic léku saman hjá Chelsea. Kovacic er frá Króatíu eins og Modric. „Ég grínaðist í honum að ég vildi fá treyju númer 10. Hann sagði nei og því þurfti ég að fá nýtt númer."

„Núna skiptir númerið ekki máli, ég vil bara spila fyrir þetta merki, þetta félag."

Sjá einnig:
Kölluðu eftir Mbappe er Hazard var kynntur í Madríd