Jón Þórir Sveinsson, þjálfari karlaliðs Fram.
Jón Þórir Sveinsson, þjálfari karlaliðs Fram var vonsvikinn eftir naumt tap gegn Gróttu í kvöld. Hann sagðist óviss um hvort að tvö mörk Gróttu hefðu átt að standa.
„Ég held að jöfnunarmarkið hafi aldrei verið mark. Boltinn fór líklega aldrei yfir línuna en dómarinn dæmdi það mark og svo náðu þeir að skora þarna. Þeir hengdu langa bolta fram enda með sterkan mann frammi þegar Pétur kom inn á og þeir náðu að hirða rebound og skora."
„Ég held að jöfnunarmarkið hafi aldrei verið mark. Boltinn fór líklega aldrei yfir línuna en dómarinn dæmdi það mark og svo náðu þeir að skora þarna. Þeir hengdu langa bolta fram enda með sterkan mann frammi þegar Pétur kom inn á og þeir náðu að hirða rebound og skora."
Lestu um leikinn: Fram 2 - 3 Grótta
Fram klúðraði mörgum góðum færum í leiknum og voru óheppnir að nýta ekki einhver þeirra.
„Á fyrstu 88 mínútunum hefðum við átt að vera löngu búnir að gera út um leikinn. Stundum fellur þetta ekki, við vissum að þeir myndu gefa færi á sér. Við pressuðum á þá og áttum urmull af færum, þar á meðal einhver þrjú eða fjögur skot í stöng eða slá."
Fram virtist leggja upp í leikinn með þá stefnu að leyfa Gróttu að spila stutt úr vörninni og pressa þá hratt.
„Við vitum að þeir vilja spila honum og við erum ágætir í að pressa en þeir spiluðu sig líka stundum út úr því og þá eru þeir hættulegir. Þeir eru flott ungt lið og eru að reyna að spila fótbolta. Manni finnst það bara aðdáunarvert."
Athugasemdir
