Eftir miðnætti í kvöld hefst Suður-Ameríku bikarinn, Copa America. Brasilía mætir Bólivíu klukkan 00:30. Keppnin er haldin í Brasilíu.
Það má búast við alvöru veislu með Suður-Amerískum fótbolta og auk þess eru Japan og Katar gestalið á mótinu, eins undarlegt og það hljómar.
Síle vonast til að vinna keppnina þriðja árið í röð en liðið fagnaði sigrum 2015 og 2016.
Hér má sjá það helsta sem þú þarft að vita fyrir komandi keppni!
Það má búast við alvöru veislu með Suður-Amerískum fótbolta og auk þess eru Japan og Katar gestalið á mótinu, eins undarlegt og það hljómar.
Síle vonast til að vinna keppnina þriðja árið í röð en liðið fagnaði sigrum 2015 og 2016.
Hér má sjá það helsta sem þú þarft að vita fyrir komandi keppni!
Hvenær fer keppnin fram? Hún er spiluð á þremur vikum, 15. júní til 7. júlí.
Hvar er hægt að horfa? Stöð 2 Sport sýnir beint frá leikjum mótsins.
Hvernig fyrirkomulag er á keppninni? Tólf lið skiptast í þrjá riðla. Tvö efstu lið hvers riðils fara áfram í útsláttarkeppni og auk þess fara tvö af þremur liðum sem enda í þriðja sæti áfram.
A-riðill:
Brasilía, Bólivía, Venesúela, Perú
B-riðill:
Argentína, Kólumbía, Paragvæ, Katar.
C-riðill:
Úrúgvæ, Ekvador, Japan, Síle.
Leikvangarnir sem notaðir eru:
Maracanã Stadium - Rio de Janeiro (74.738)
Estádio do Morumbi - São Paulo (67.428)
Estádio Mineirão - Rio de Janeiro (58.170)
Arena do Grêmio - São Paulo (55.662)
Af hverju eru Japan og Katar í Copa America?
Knattspyrnusamband Suður-Ameríku krefst þess að tólf lið að lágmarki taki þátt í mótinu. Það var þó mjög óvænt að þessum landsliðum hafi verið boðið sem gestaliðum.
Fylgist með þessum:
Stórstjarnan Neymar verður ekki með Brasilíu á mótinu vegna meiðsla. En það er þó nóg af leikmönnum sem vert er að gefa gaum. Lionel Messi er með argentínska liðinu en hér eru fleiri áhugaverðir leikmenn:
Giovani Lo Celso - Argentína
Fæddur í Rosario en fór árið 2016 til Paris Saint-Germain, er í dag 23 ára gamall. Hann er núna hjá Real Betis og er sterklega orðaður við Tottenham. Lo Celso skoraði 16 mörk fyrir Betis á liðnu tímabili.
Eder Militao - Brasilía
21 árs miðvörður sem hefur risið hratt upp stjörnuhimininn. Hann lék aðeins eitt tímabil með Sao Paulo áður en hann hélt til Porto 2018 og í júlí verður hann formlega orðinn leikmaður Real Madrid. Á aðeins fjóra landsleiki að baki.
Renato Tapia - Perú
Er aðeins 23 ára gamall en er þegar með 40 landsleiki og 76 leiki í hollensku deildinni með Twente, Feyenoord og Willem II. Perú sýndi skemmtileg tilþrif á HM en var óheppið að komast ekki upp úr riðli sínum.
Alfredo Morelos - Kólumbía
22 ára leikmaður Rangers í Skotlandi sem skoraði 18 mörk í 30 leikjum á liðnu tímabili. Er skapheitur og fékk fimm rauð spjöld á tímabilinu.
Lucas Torreira - Úrúgvæ
Þessi 23 ára miðjumaður leikur fyrir Arsenal. Byrjaði aðalliðsferil sinn í ítölsku A-deildinni og hefði getað valið að leika fyrir Ítalíu.
Hér má sjá leikjalista mótsins
Hverjir eru sigurstranglegastir? Veðbankar telja Brasilíumenn sigurstranglegasta, Argentína og Úrúgvæ koma þar á eftir og svo loks ríkjandi meistarar í Síle.
Athugasemdir