Tammy Abraham og John McGinn með auglýsingu fyrir 32Red framan á treyjunum.
Aston Villa er búið að staðfesta að asíska veðmálafyrirtækið W88 verður helsti styrktaraðili liðsins á næsta tímabili.
Merki W88 verður því framan á treyjum félagsins á komandi tímabili og tekur við af 32Red, veðmálafyrirtækinu sem styrkti Aston Villa á liðnu tímabili.
Þetta verður fyrsta tímabil Villa í ensku úrvalsdeildinni eftir þriggja ára fjarveru og er styrktarsamningurinn sá verðmætasti í sögu félagsins yfir eitt tímabil.
W88 styrkti Wolves á síðasta tímabili en Úlfarnir eru nú komnir með samning hjá ManBetX.
Aston Villa hefur verið virkt á leikmannamarkaðinum í byrjun sumars og er búið að krækja í fjóra leikmenn fyrir samtals 37 milljónir. Wesley Moraes kostar 22 milljónir, Anwar El Ghazi 8, Jota 4 og Kortney Hause 3.
Athugasemdir
