Á morgun verður dregið í fyrstu umferð í Meistaradeildinni og Evrópudeildinni en leikirnir fara fram um miðjan júlí.
Valur hefur leik í fyrstu umferð í Meistaradeildinni og er í neðri styrkleikaflokki. Valur tapaði naumlega gegn Rosenborg í fyrstu umferðinni í fyrra og norsku meistararnir eru aftur á meðal mögulegra mótherja í ár.
Willum Þór Willumsson og félagar í BATE Borisov gætu einnig mætt Val. Heimir Guðjónsson og lærisveinar hans í HB eru einnig í neðri styrkleikaflokki líkt og Valur og því eru sömu andstæðingar í boði í drættinum þar.
Stjarnan er í efri styrkleikaflokki í drættinum í fyrstu umferð Evrópudeildarinnar á meðan Breiðablik og KR eru í neðri styrkleikaflokki.
Skoska stórveldið Rangers, með Steven Gerrard við stjórnvölinn, er eitt af fimm liðum sem KR gæti mætt. KR gæti einnig mætt Hirti Hermannssyni og félögum í Bröndby. Breiðablik gæti leikið við Arnór Ingva Traustason og félaga í Malmö.
Möguleikir mótherjar Vals í Meistaradeildinni
BATE Borisov (Hvíta-Rússland)
Maribor (Slóvenía)
Rosenborg (Noregur)
HJK Helsinki (Finnland)
Dundalk (Írland)
The New Saints (Wales)
Mögulegir mótherjar Stjörnunnar í Evrópudeildinni
Liepāja (Lettland)
Levadia Tallinn (Eistland)
Barry Town (Wales)/Cliftonville (Norður-Írland)
Saint Patrick's (Írland)
RoPS Rovaniemi (Finnland)
KÍ (Færeyjar)/Tre Fiori (San Marino)
Mögulegir mótherjar Breiðabliks í Evrópudeildinni
Vaduz (Liechtenstein)
Kilmarnock (Skotland)
Brann (Noregur)
Vitebsk (Hvíta-Rússland)
Malmö (Svíþjóð)
Mögulegir mótherjar KR í Evrópudeildinni
Rangers (Skotland)
Brøndby (Danmörk
Cork (Írland)
Molde (Noregur)
Crusaders (Norður-Írland)
Athugasemdir