Heimild: Vísir
„Staða þjálfarans er traust og örugg. Hann hefur skilað fjórum titlum á síðustu fjórum árum. Þetta er besti þjálfari sem til er á Íslandi í dag og þó víðar væri leitað," segir Börkur Edvardsson, formaður knattspyrnudeildar Vals, í samtali við Henry Birgi Gunnarsson á Vísi.
Íslandsmeistarar Vals hafa átt erfitt tímabil og eru rétt fyrir ofan fallsæti. Þrátt fyrir það segir Börkur að Ólafur Jóhannesson sé algjörlega öruggur í starfi.
Misgáfulegir menn að fjalla um þetta
Í viðtalinu á Vísi er Börkur einnig spurður út í umfjöllun fjölmiðla en hann virðist skjóta á Dr. Football hlaðvarpið í Twitter færslu sem sjá má hér að neðan.
„Það raðast inn misgáfulegir menn að fjalla um þetta og þar af leiðandi verður umræðan misgáfuleg. Það truflar okkur í sjálfu sér ekki og hefur ekki verið umræðan inn í félaginu. Við erum svolítið berskjaldaðir núna og auðvelt skotmark. Við eigum erfitt með að svara fyrir okkur á meðan illa gengur inn á vellinum," sagði Börkur.
Gat samt ekki séð né heyrt að hann hafi eða sé gramur. Eðlilega er hann sár, hissa og reiður yfir þessari neikvæðu og óskiljanlegri umræðu og fá yfir sig slúðrið frá fullorðnum mönnum sem keppast við að kalla sig og hvorn annan king og höfðingja er sorglegt.
— E.Börkur Edvards (@borkur_e) June 19, 2019
Athugasemdir