Holland 2 - 1 Japan W
1-0 Lieke Martens ('17 )
1-1 Yui Hasegawa ('43 )
2-1 Lieke Martens ('90 , víti)
Holland tryggði sér farseðil í 8-liða úrslit Heimsmeistaramótsins með 2-1 sigri á Japönum í kvöld. Lokamínúturnar voru fjörugar en sigurmarkið kom úr vítaspyrnu á 90. mínútu.
1-0 Lieke Martens ('17 )
1-1 Yui Hasegawa ('43 )
2-1 Lieke Martens ('90 , víti)
Holland tryggði sér farseðil í 8-liða úrslit Heimsmeistaramótsins með 2-1 sigri á Japönum í kvöld. Lokamínúturnar voru fjörugar en sigurmarkið kom úr vítaspyrnu á 90. mínútu.
Hollendingar náðu forystunni í leiknum þegar Lieke Martens setti boltann í netið eftir hornspyrnu frá Sherida Spitse. Martens hljóp þá á nærstöngina og stýrði boltanum snyrtilega í markið.
Á markamínútunni sjálfri jöfnuðu Japanar eftir frábæra sókn. Þær japönsku gjörsamlega sundur spiluðu Hollendinga og það var Yui Hasegawa sem að setti boltann loks í netið.
1-1 þegar flautað var til hálfleiks á Roazhon Park, heimavelli Rennes.
Síðari hálfleikurinn var fjörugur og fengu bæði liðin mikið af færum. Heilt yfir var japanska liðið sterkara og R. Shimizu setti boltann til að mynda í slána á 79. mínútu.
Á 90. mínútu fengu Hollendingar vítaspyrnu eftir að Saki Kumagai handlék knöttinn innan teigs. Engin spurning og vítaspyrna dæmd.
Lieke Martens fór á vítapunktinn og skoraði af miklu öryggi og tryggði þar með Hollendingum farseðil í 8-liða úrslitum. Holland mætir Ítalíu á laugardag og liðið sem að sigrar þar fer í undanúrslitin.
Athugasemdir