Topplið Fram
Fram 2 - 1 Þróttur R.
0-1 Daði Bergsson ('4 )
1-1 Helgi Guðjónsson ('60 )
2-1 Már Ægisson ('90 )
Rautt spjald: Frederico Bello Saraiva, Fram ('62)
Lestu nánar um leikinn
0-1 Daði Bergsson ('4 )
1-1 Helgi Guðjónsson ('60 )
2-1 Már Ægisson ('90 )
Rautt spjald: Frederico Bello Saraiva, Fram ('62)
Lestu nánar um leikinn
Fram er komið á topp Inkasso-deildarinnar eftir sigur á Þrótti Reykjavík í kvöld.
Leikurinn var í Safamýri, en það voru gestirnir í Þrótti sem komust yfir eftir aðeins fjórar mínútur. Daði Bergsson skoraði er hann slapp einn í gegn.
Öflug byrjun hjá Þrótturum og þeir leiddu 1-0 í hálfleik. Undir lok fyrri hálfleiks var Jón Þórir Sveinsson, þjálfari Fram, sendur upp í stúku fyrir kjaftbrúk.
„Ennþá 0-1 fyrir Þrótt en þeir hafa verið betri í leiknum. Framarar virðast ekki hafa komið inn í leikinn með mikið sjálfstraust en þeir eru hræddir við að taka skot og leita alltaf að betra færi og missa oftast við það boltann," skrifaði Baldvin Pálsson, okkar maður á vellinum, í leikhléi.
Fram byrjaði vel í seinni hálfleik og tókst heimamönnum að jafna þegar klukkutími var liðinn af leiknum. Hinn efnilegi Helgi Guðjónsson skoraði þá eftir mistök í vörn Þróttar. Helgi með sitt sjötta deildarmark í sumar og er hann næstmarkahæstur á eftir Alvaro Montejo í Þór.
Stuttu eftir markið fékk Fred Saraiva, leikmaður Fram, að líta rauða spjaldið eftir árekstur við Arnar Darra, markvörð Þróttar. Jón Þórir var ekki sáttur í stúkunni.
En viti menn, þrátt fyrir að vera með 10 leikmenn inn á og þjálfara í stúkunni, þá tókst Fram að vinna leikinn. Már Ægisson skoraði sigurmarkið í uppbótartíma. Seiglusigur hjá Fram.
Með þessum sigri fer Fram upp fyrir Þór og Fjölni í toppsæti deildarinnar. Fram að koma á óvart. Þór og Fjölnir mætast á laugardag. Þróttur er í áttunda sæti með 10 stig.
Athugasemdir