„Við erum búnar að vera aðeins að ströggla þannig að það er mjög gott að fá inn þrjú stig í dag. Það er mjög mikilvægt fyrir okkur og sjálfstraustið í liðinu,“ sagði Sandra Sif Magnúsdóttir, leikmaður Augnabliks, eftir 1-0 sigur á Aftureldingu í kvöld.
Lestu um leikinn: Augnablik 1 - 0 Afturelding
Jafnræði var með liðunum í fyrri hálfleik en Afturelding sótti meira í þeim seinni.
„Við vorum mikið í vörn og að hreinsa í seinni hálfleik þannig að þetta var erfitt,“ sagði Sandra Sif sem hafði þó alltaf trú á að liðið sitt myndi klára leikinn.
„Stundum fær maður ákveðna tilfinningu en ég fékk það aldrei á tilfinninguna að þær væru að fara að skora. Ég hafði fulla trú á þessu allan tímann“
Sterkur sigur hjá Augnablik eftir að hafa tapað þremur deildarleikjum í röð.
„Við erum með fimm leikmenn sem eru ekki að spila í dag, meiddar eða fjarverandi, þannig að það er mjög sterkt að fá þrjú stig núna,“ sagði Sandra Sif og hrósaði ungum liðsfélögum sínum.
Nánar er rætt við Söndru Sif í spilaranum hér að ofan.
Athugasemdir