Spænska félagið Atletico Madrid er búið að bjóða 126 milljónir evra í portúgalska undrabarnið Joao Felix. Benfica staðfestir þetta með yfirlýsingu í kvöld.
Felix skoraði 20 mörk og átti 11 stoðsendingar í 43 leikjum fyrir portúgalska félagið Benfica á liðnu tímabili. Hann er aðeins 19 ára gamall.
Búist er við því að hann muni leysa Antoine Griezmann af hjá Atletico. Griezmann er á förum frá Atletico, væntanlega til Barcelona.
Riftunarákvæði er í samningi Felix upp á 120 milljónir evra. Atletico er ekki búið að virkja það, þar sem tilboð Atletico felur það í sér að upphæðin verði ekki greidd öll í einu.
Ef kaupin ganga í gegn verður Joao Felix fjórði dýrasti leikmaður fótbioltasögunnar.
Atletico hafnaði í öðru sæti spænsku úrvalsdeildarinnar á síðasta tímabili.
OFFICIAL: Benfica have confirmed they have received a €126m bid from Atlético Madrid for the transfer of João Félix.
— Squawka News (@SquawkaNews) June 26, 2019
Despite being in excess of the €120m release clause, it has not triggered the release due to being proposed in instalments. pic.twitter.com/vvVRDHHE4y
Athugasemdir