Zouma fagnar hér marki Everton.
Lið landsliðsmannsins Gylfa Þórs Sigurðarssonar, Everton vill kaupa miðvörðinn Kurt Zouma frá Chelsea en hann lék með Everton á síðustu leiktíð á láni.
Frakkinn, lék 32 leiki með Everton á síðustu leiktíð en tímabilið á undan var hann á láni hjá Stoke. Því er haldið fram að hann vilji sjálfur vera áfram hjá Everton en hann hefur fengið fá tækifæri hjá Chelsea síðan hann gekk til liðs við félagið árið 2014.
Everton er sagt þurfa að greiða allt að 30 milljónir punda fyrir Zouma. Zouma gæti verið annar leikmaðurinn sem félagið kaupir í sumar sem lék á láni hjá félaginu á síðustu leiktíð. Í vikunni keypti félagið portúgalska miðjumanninum André Gomes frá Barcelona fyrir 22 milljónir punda.
Það er í höndum nýs knattspyrnustjóra Chelsea að samþykkja sölu Zouma til Everton en líklegt er að Frank Lampard verði ráðinn næsti stjóri Chelsea á næstu dögum.
Athugasemdir
