Robinson er 24 ára gamall og er uppalinn hjá Aston Villa en hann var lánaður tvisvar til Preston og einu sinni til Bristol City áður en Preston ákvað að gera þriggja ára samning við hann árið 2016.

Hann gerði 13 mörk í 36 leikjum fyrir Preston í B-deildinni á síðustu leiktíð og tókst að heilla mörg félög en Aston Villa, Norwich CIty og Sheffield United hafa öll sýnt honum áhuga.

Preston staðfesti á heimasíðu sinni í dag að félagið væri búið að samþykkja tilboð í leikmanninn frá ónefndu ensku úrvalsdeildarfélagi en ensku miðlarnir greina frá því að umrætt félag er Sheffield United.

Hann er þessa stundina í æfingabúðum með írska landsliðinu en heldur nú til Sheffield í læknisskoðun áður en hann skrifar undir samning við félagið.