Lestu um leikinn: Haukar 2 -  2 Grótta

Haukar voru sterkari aðilinn í seinni hálfleik og hefðu getað fengið meira úr leiknum.
„ Miðað við hvernig Grótta er búið að vera í sumar þá er maður kannski sáttur með stigið en mér fannst við verðskulda meira í seinni hálfleik." Sagði Búi Vilhjálmur Guðmundsson þjálfari Hauka eftir leikinn.

„Ef að dómgæslan hefði aðeins fallið með okkur þá hefðum við kannski getað bætt einu við."

Nokkrir umdeildir dómar voru í leiknum. Aron Freyr Róbertsson, leikmaður Hauka, var felldur niður af markmanni Gróttu snemma í leiknum.
„ Þetta var klárlega víti, hann kemur við hann. Þetta er bara víti og ekkert flóknara en það."

Búi fékk svo sjálfur gult spjald á 85. mínútu.
„Það sparkar einhver eða lemur einhver í varamannaskýlið og þeir dæma bara spjald á mig fyrir það. Ég stóð bara þarna allan tímann"

Næsti leikur Hauka er á Ólafsvík á móti Víkingi Ó.
„Þurfum bara að hafa meiri trú á okkur spilalega séð, strax og við byrjum að spila boltanum þá erum við klárlega betri en þeir hérna á vellinum. Kannski meiri trú á sjálfum okkur."