KR hefur ekki ennþá fengið fyrirspurn í framherjann Björgvin Stefánsson en þetta segir Kristinn Kjærnested, formaður knattspyrnudeildar.
Eins og Fótbolti.net greindi frá í vikunni eru KR-ingar að kaupa framherjann Kristján Flóka Finnbogason frá Start.
Eins og Fótbolti.net greindi frá í vikunni eru KR-ingar að kaupa framherjann Kristján Flóka Finnbogason frá Start.
Í kjölfarið hafa Víkingar sýnt áhuga á að fá Björgvin á láni en engin fyrirspurn hefur þó komið í Björgvin ennþá.
„Það hefur engin fyrirspurn komið í Björgvin Stefánsson. Eins og staðan er hjá okkur þá ætluðum við að næla okkur í leikmann og það er ekki á kostnað þess að annar fari," sagði Kristinn við Fótbolta.net í dag.
KR missti Alex Frey Hilmarsson í meiðsli út tímabilið fyrr í þessum mánuði og ákvað þá að skoða leikmannamarkaðinn.
Björgvin er búinn að afplána fimm leikja bann í Pepsi Max-deildinni og verður löglegur með KR á nýjan leik gegn Stjörnunni um aðra helgi.
Athugasemdir