„Mér líður svo vel. Þetta small loksins hjá okkur og við náðum upp okkar leik. Við fylgdum plani, treystum hvorri annarri og spiluðum vel,“ sagði Chante Sandiford, fyrirliði Hauka, eftir sterkan 4-0 heimasigur á Grindavík.
Lestu um leikinn: Haukar 4 - 0 Grindavík
Haukaliðið hefur verið í basli í upphafi móts og tapað þremur síðustu leikjum. Chante sagði Haukakonur hafa verið staðráðnar að snúa hlutunum sér í hag og lagt hart að sér í undirbúningi leiksins.
„Síðustu úrslit voru vonbrigði og við höfum verið mjög einbeittar í æfingavikunni og lagt mikið á okkur. Við töluðum um að treysta hvorri annarri og okkur sjálfum og vera rólegar á boltanum. Spila eins og Haukaliðið getur. Ég er mjög ánægð með framkvæmdina hjá okkur í dag og afar stolt af stelpunum.“
„Markmiðið er að fá þrjú stig úr öllum leikjum. Við setjum markið hátt og ef við höldum áfram að spila svona þá getum við haldið áfram að vinna. Við viljum vera í Pepsi Max og ætlum að berjast um það. Það er nóg eftir ennþá,“ sagði markvörðurinn meðal annars en hægt er að horfa á allt viðtalið við hana í spilaranum hér að ofan.
Athugasemdir