Paul Pogba, leikmaður Manchester United á Englandi, vildi lítið sjá sig um framtíð sína eftir 2-0 sigur liðsins á Perth Glory í fyrsta æfingaleik tímabilsins.
Það er ekkert launungarmál að Pogba vill yfirgefa herbúðir United en Juventus og Real Madrid hafa sýnt honum mikinn áhuga.
Mino Raiola, umboðsmaður Pogba, hefur greint frá því að leikmaðurinn vilji fara frá félaginu en United ætlar ekki að gefa sig í baráttunni og hefur sett háan verðmiða á franska landsliðsmanninn.
Félagið vill 180 milljónir punda en Juventus og Real Madrid eru ekki reiðubúin að borga þá upphæð.
Pogba vildi lítið tjá sig við fjölmiðla eftir leikinn gegn Perth Glory en hann lék síðari hálfleikinn.
„Við þurfum ekki að ræða þetta. Af hverju þarf þess?" sagði Pogba.
Athugasemdir