Farid Zidane, bróðir Zinedine Zidane, er látinn en spænska félagið Real Madrid staðfesti þessar fregnir í gær.
Zidane, sem þjálfar Real Madrid, þurfti að yfirgefa æfingabúðir liðsins í Montreal á föstudag vegna persónulegra ástæðna.
Farid Zidane, bróðir franska þjálfarans, lést eftir langvarandi veikindi og fékk Zinedine því leyfi frá félaginu til að fara heim.
Enzo Zidane, sonur Zinedine, fékk einnig að yfirgefa æfingabúðir Racing Santander en hann er á láni frá Real Madrid.
Það var mínútuþögn á æfingu Real Madrid í gær. David Bettoni mun þjálfa Madrídinga á meðan Zinedine syrgir bróður sinn.
All members of the Real Madrid first-team squad held a minute's silence ahead of training in Montreal following the passing of Farid Zidane, the brother of our coach, Zinedine Zidane.
— Real Madrid C.F. 🇬🇧🇺🇸 (@realmadriden) July 13, 2019
Athugasemdir