Svo virðist vera að Juventus sé að ganga frá kaupum á Mathjis de Ligt frá Ajax eftir að leikmaðurinn hefur verið orðaður við öll stærstu félög heimsins.
Kaupin hljóða á 70 milljónir evra en Mino Raiola umboðsmaður De Ligt vill ganga frá kaupunum sem fyrst.
De Ligt mun koma til Turin í kvöld eða í síðasta lagi á morgun til að fara í læknisskoðun hjá meisturunum.
De Ligt var ein skærasta stjarnan á síðasta tímabili og kom meðal annars Ajax áfram með marki gegn Juventus í átta liða úrslitum Meistaradeildarinnar.
Athugasemdir