Frá leik Álftanes og Sindra um helgina
2. deild kvenna var til umræðu á Heimavellinum í gær. Mörg liðanna í deildinni eru í mikilli uppbyggingu og þeirri spurningu var varpað fram hvort að þau vildu öll fara upp um deild að svo stöddu.
Hlustaðu á Heimavöllinn.
Hlustaðu á Heimavöllinn.
Baldvin Már Borgarson, gestur þáttarins, var viss um að svo væri. Einfaldlega vegna þess hvernig mótafyrirkomulagið er í 2. deild.
„Ef við horfum bara í það að þetta er 12 leikja deild. Það vilja örugglega öll liðin fara upp bara útaf því. Það er skrítið að það sé ekki spiluð þreföld umferð. 18 leikir og allir glaðir. Að bjóða upp á 12 leiki er bara pirrandi.“
„Þreföld umferð væri svo einföld lausn. Þá ertu komin með jafnmarga leiki í öllum kvennadeildunum. Jafnmargir leikir á allar. Þetta er einfaldasta lausn í heimi,“ útskýrði Baldvin.
Mist Rúnarsdóttir tók undir með Baldvini.
„Þú ert búin með 2. og 3.flokk. Komin upp í meistaraflokk og þú færð að spila 12 leiki á 4-5 mánuðum. Og stundum ertu jafnvel að spila tvo þeirra sömu helgina af því að þú ert að spara þér ferðakostnað. Það er hræðilegt.“
„Að þessu sögðu þá held ég að öll liðin í deildinni væru til í að fara upp bara til þess að fá betri umgjörð um deildina sína,“ bætti Baldvin við.
Athugasemdir
