Birkir Már Sævarsson var einn besti maður vallarins þegar Valur fór í heimsókn til Víkinga í Fossvoginum í kvöld. Birkir lagði upp bæði mörk Vals í leiknum sem komust í 0-2 en það dugði ekki til því Víkingar svöruðu með tveimur mörkum og niðurstaðan því 2-2 jafntefli.
Lestu um leikinn: Víkingur R. 2 - 2 Valur
„Svekkjandi að missa niður 2-0 forystu sem á nátturulega ekki að gerast en þeir voru sprækir og við kannski farnir að þreytast aðeins undir lokin og hættum að geta haldið boltanum milli manna og gáfum þeim frekar ódýr mörk. “
Sagði Birkir Már um fyrstu viðbrögð sín eftir leikinn.
Við jöfnunarmark Víkinga undir lok leiks var sem allur kraftur væri úr Valsliðinu. Var það þreyta eftir evrópuleikina?
„Já það getur alveg verið útskýringin en kannski var það bara svekkelsi líka að hafa misst niður forystuna í bland við erfiðan evrópuleik og ferðaleg.“
Eins og fram kom í viðtali við Loga Tómasson hér á Fótbolti.net fyrr í kvöld er nýtt lag væntanlegt með Loga. Mun Birkir hlusta á það þegar það kemur út?
„Nei, ekki séns.“
Sagði Birkir og brosti en allt viðtalið má sjá hér að ofan.
Athugasemdir