Það var að vonum svekktur þjálfari Vals Ólafur Jóhannesson sem mætti í viðtal við fréttaritara Fótbolta.net að loknum leik Víkings og Vals í kvöld. Valsmenn komust í 0-2 snemma í síðari hálfleik en sú forysta dugði þeim ekki leikinn á enda og áður en yfir lauk höfðu Víkingar jafnað 2-2.
Lestu um leikinn: Víkingur R. 2 - 2 Valur
„Já ég er bara svekktur að vinna ekki þennan leik. Við vorum með góð tök á þessum leik nánast allan tímann og áttum að vera klókari en þetta og sigla þessu heim en niðurstaðan eitt stig.“
Sagði Ólafur um leik sinna manna í kvöld,
Valsmenn eru nýkomnir til baka frá Slóveníu þar sem þeir mættu liði Maribor í forkeppni Meistaradeildar Evrópu. Var þreyta í Valsmönnum og sat ferðalagið í þeim?
„Auðvitað hefur það einhver áhrif en engin áhrif í fótboltaleik ef hugarfarið er rétt svo ég hef svo sem ekki áhyggjur af því.“
Félagaskiptagluggin lokar nú um mánaðarmótin hér á Íslandi.
Gerir Ólafur ráð fyrir einhverjum breytingum fyrir gluggalok?
„Nei ég hef ekki trú á því.“
Sagði Ólafur Jóhannesson en allt viðtalið má sjá hér að ofan.
Athugasemdir