Í dag var dregið í 3. umferð í Meistaradeild Evrópu en það er næstsíðasta umferðin áður en kemur að sjálfri riðlakeppninni.

Sverrir Ingi Ingason og félagar í PAOK fá verðugt verkefni en þeir mæta Ajax sem fór alla leið í undanúrslit Meistaradeildarinnar á síðasta tímabili.

Jón Guðni Fjóluson og félagar í Krasnodar fá líka krefjandi verkefni en þeir mæta Porto.

Kolbeinn Sigþórsson og félagar í AIK gætu mætt Willum Þór Willumssyni og félögum í BATE Borisov ef liðin klára sína andstæðinga í 2. umferðinni.