mán 22. júlí 2019 19:00
Sæbjörn Þór Þórbergsson Steinke
Sky: Þarf eitthvað risastórt til þess að Bale fari frá Real
Mynd: Getty Images
Framtíð Gareth Bale hjá Real Madrid liggur í lausu lofti. Leikmanninum virðist ekkert liggja á að yfirgefa félagið en Zinedine Zidane, stjóri Real, vill lítið með velska vængmanninn hafa.

Í morgun var Gareth Bale orðaður við félagaskipti til Kína og nú í kvöld fékk Sky þær heimildir að eitthvað risastórt og sérstakt þyrfti að gerast til þess að Bale myndi yfirgefa Real Madrid.

Þá segir Sky að mögulega þyrfti Bale að komast nærri því að verða launahæsti leikmaður heims til þess að yfirgefa Madrid.

Bale varð þrítugur í síðustu viku og hefur skorað 78 deildarmörk í 155 leikjum fyrir Real.
Athugasemdir
banner
banner
banner
banner