Tindastóll sigraði Fjölni þegar liðin mættust í Inkasso-deild kvenna í kvöld. Murielle Tiernan skoraði eina mark leiksins þegar tíu mínútur voru til leiksloka.
Magnús Haukur Harðarson, aðstoðarþjálfari Fjölnis, var ósáttur með dómgæsluna á Extra-vellinum í kvöld, ef marka má Twitter færslu hans.
Magnús Haukur Harðarson, aðstoðarþjálfari Fjölnis, var ósáttur með dómgæsluna á Extra-vellinum í kvöld, ef marka má Twitter færslu hans.
„Leikmenn djöflast í góða sjö mánuði áður en Íslandsmótið hefst og eru í toppstandi til að skilja eftir blóð, svita og tár á grasinu góða en því miður hefur það verið þannig í ár að á ansi mörgum vígstöðum mæta dómarar með allt niðrum sig," segir Magnús.
Guðmundur Páll Friðbertsson var með flautuna í kvöld.
„Þeir eru ekki með reglurnar á hreinu, hrokafullir og í ekkert spes ástandi þegar það kemur að því að hlaupa um völlinn og hvað þá að línuverðir geti haldið sinni línu og hætt að spá í því hvort að það séu einn eða tveir þjálfarar í boðvangi."
„Þið eruð hluti af leiknum svo vinsamlegast setjið ykkur í stand á þessum síðustu vikum Íslandsmótsins," segir Magnús að lokum.
Birna Rún Erlendsóttir textalýsti leiknum á Fótbolta.net og gaf hún dómara leiksins falleinkunn.
„Erfiður leikur að dæma og fannst eins og vantaði meiri ákveðni," segir í skýrslu Birnu en Guðmundur Páll og hans dómaratríó fékk fjóra í einkunn.
Þetta eru mín 5 cent til dómara landsins #fotboltinet pic.twitter.com/M72WJkiygq
— Magnús Haukur (@Maggihodd) August 13, 2019
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir