Rúnar Már Sigurjónsson spilaði fyrstu 70 mínúturnar í auðveldum sigri FC Astana gegn Valletta í undankeppni Evrópudeildarinnar í kvöld.
Rúnar Már skoraði tvennu í fyrri leik liðanna sem lauk með 5-1 sigri í Kasakstan.
Rúnar og félagar í Astana mæta Willum Þór Willumssyni og félögum í BATE Borisov í úrslitaleikjum um að komast í riðlakeppnina. Þeir leikir fara fram næstu tvo fimmtudaga.
Valletta 0 - 4 FC Astana (1-9 samanlagt)
0-1 R. Murtazayev ('25)
0-2 M. Tomasov ('37)
0-3 R. Murtazayev ('68)
0-4 M. Tomasov ('89)
Guðmundur Þórarinsson lék þá allan leikinn er Norrköping var slegið út af Hapoel Be'er Sheva í Ísrael.
Hapoel hafði betur eftir nokkuð jafnan leik. Niv Zrihan skoraði tvennu og gerði Nigel Hasselbaink, frændi Jimmy-Floyd, eitt mark.
Gummi kom að eina marki Norrköping í leiknum þar sem hann vann boltann hátt uppi og tveimur sendingum síðar fór boltinn í netið.
Hapoel Be'er Sheva 3 - 1 Norrköping (4-2 samanlagt)
1-0 N. Zrihan ('67)
2-0 N. Hasselbaink ('72)
2-1 R. Lauritsen ('82)
3-1 N. Zrihan ('94)
Trabzonspor 2 - 1 Sparta Prag (4-3 samanlagt)
1-0 Alexander Sörloth ('11)
1-1 A. Hlozek ('78)
2-1 F. Novak ('98)
AEK Aþena 1 - 1 U. Craiova (3-1 samanlagt)
TNS 0 - 4 Ludogorets (0-9 samanlagt)
Athugasemdir