Guðjón Pétur Lýðsson, miðjumaður Breiðabliks, lét Þorvald Árnason dómara heyra það í viðtali við Morgunblaðið eftir 3-1 tapið gegn Víkingi R. í undanúrslitum Mjólkurbikarsins í gær.
„Við reyndum allan tímann að gera eins mikið og við gátum en því miður var þetta ekki okkar dagur. Mér fannst Þorvaldur líka ömurlegur. Hann leyfði þeim að tefja allan seinni hálfleikinn og var skíthræddur við þá," sagði Guðjón við Morgunblaðið eftir leik.
Guðjón Pétur og Kári Árnason lentu í einhverjum ryskingum á leið til búningsklefa í gær. Gunnleifur Gunnleifsson, fyrirliði Breiðabliks, mætti á viðtalssvæðið eftir leik og sakaði Kára um að hafa slegið til Guðjóns. Í viðtalinu við Morgunblaðið lýsir Guðjón yfir óánægju sinni með að Kári hafi ekki fengið spjald í leiknum sjálfum.
„Honum fannst eitthvað erfitt að tala við Kára. Kári sparkaði með hnéð í andlitið á mér en hann þorði ekki að dæma spjald. Hann hamraði niður í lokin, boltinn löngu farinn, en aftur þorði hann ekki að rífa upp spjaldið. Hann var tefjandi allan leikinn en hann reif aldrei upp spjald, dómarinn var glataður," sagði Guðjón pirraður.
Sjá einnig:
Læti eftir leik - „Hver er Guðjón Pétur?"
Athugasemdir