Félagaskiptaglugganum á Englandi var skellt í lás í Englandi á dögunum en ennþá er opið fyrir félagaskipti í öðrum deildum Evrópu til 2. september. Daily Mail hefur tekið saman lista yfir leikmenn í topp sex liðunum á Englandi sem gætu farið annað áður en glugginn í Evrópu lokar. Enginn leikmaður frá Manchester City er á listanum.
Dejan Lovren (Liverpool) - Var nálægt því að fara til Roma á dögunum. Nú er Bayer Leverkusen inn í myndinni.
Xherdan Shaqiri (Liverpool) - Er ósáttur við spiltíma sinn og hefur gefið í skyn að hann gæti farið.
Kenedy (Chelsea) - Var á láni hjá Newcastle á síðasta tímabili og gæti farið aftur á lán.
Tiemoue Bakayoko (Chelsea) - Er undir í samkeppninni um stöður á miðjunni hjá Chelsea og félagið vill selja hann.
Victor Wanyama (Tottenham) - Er á leið til Club Brugge í Belgíu á ellefu milljónir punda.
Georges-Kevin Nkoudou (Tottenham) - Hefur ekki náð að festa sig í sessi hjá Tottenham og er á leið til Besiktas.
Serge Aurier (Tottenham) - Gæti farið þar sem hann virðist vera á eftir Kyle Walker-Peters og Juan Foyth í baráttunni um stöðu í hægri bakverðinum.
Mohamed Elneny (Arsenal) - Ekki ofarlega á blaði hjá Unai Emery. Gæti farið til Galatasaray.
Shkodran Mustafi (Arsenal) - Roma hefur sýnt áhuga á að fá Mustafi í sínar raðir.
Marcos Rojo (Manchester United) - Fékk ekki að fara til Everton á gluggadeginum en gæti nú farið annað.
Matteo Darmian (Manchester United) - Inter vill fá bakvörðinn aftur heim til Ítalíu.
Alexis Sanchez (Manchester United) - Er á risalaunum hjá Manchester United og það hefur gert félaginu erfitt við að finna nýtt félag fyrir Sanchez. Ítölsk félög eru þó enn að skoða hann.
Athugasemdir
