fim 22. ágúst 2019 10:53
Elvar Geir Magnússon
Gleðifréttir fyrir Börsunga - Messi mættur
Lionel Messi er farinn að æfa af krafti.
Lionel Messi er farinn að æfa af krafti.
Mynd: Getty Images
Lionel Messi er mættur aftur til æfinga hjá Barcelona og gæti spilað gegn Real Betis á sunnudag.

Messi var sárt saknað þegar Barcelona tapaði fyrir Athletic Bilbao í fyrstu umferð La Liga en hann hefur verið að glíma við meiðsli á kálfa.

Ousmane Dembele, Luis Suarez og Antoine Griezmann voru í sóknarlínunni í fjarveru Messi en Dembele og Suarez eru nú komnir á meiðslalistann og spila ekki næstu vikurnar.

Messi varð fyrir meiðslunum á fyrsta degi undirbúningstímabilsins en hann lék með Argentínu á Copa America í sumar. Liðið stóð ekki undir væntingum.
Athugasemdir
banner
banner