Lestu nánar um leikinn.

Í aðdraganda leiksins ritaði Búi Vilhjálmur Guðmundsson, þjálfari Hauka, pistil þar sem hann bað stuðningsmenn Hauka að mæta á völlinn og styðja við bakið á liðinu.

Mætingin hefur ekki verið stórkostleg á Ásvelli í sumar, en það var nokkuð vel mætt í kvöld og heyrðist ágætlega úr stúkunni.

Ásgeir Þór Ingólfsson, fyrirliði Hauka, var ánægður með stuðninginn úr stúkunni.

„Mér fannst ofboðslega gaman að sjá loksins fólk í stúkunni. Þetta hefur verið upp og niður. Hrós til stuðningsmanna beggja liða. Það var þokkaleg mæting og fólk lét í sér heyra. Það var ógeðslega gaman að spila þennan leik," sagði Ásgeir í viðtali við Fótbolta.net.