Ísak gekk til liðs við Norrköping frá ÍA í desember og hefur þegar heillað í Svíþjóð. Hann fékk fyrsta tækifærið í keppnisleik með aðalliðinu í gær er liðið spilaði gegn Timrå í sænska bikarnum.

Leikurinn endaði 6-1 og skoraði Ísak þriðja mark liðsins í leiknum eftir góða sókn.

Ísak er aðeins 16 ára gamall og ljóst að hann á framtíðina fyrir sér. Hann er sonur Jóhannesar Karls Guðjónssonar, þjálfara ÍA og fyrrum landsliðsmanns.

Hér að neðan má sjá markið sem Ísak gerði í gær.