Coutinho fann sig ekki hjá Börsungum og nú segir Kovac að leikmaðurinn sé ekki í nægilega góðu standi.

„Hann viðurkennir það sjálfur að standið sé ekki nægilega gott og það er okkar mat líka. Þetta er eitthvað sem við þurfum að vinna í," segir Kovac.

Þýskalandsmeistararnir gerðu jafntefli við Hertha Berlín í fyrstu umferð þýsku deildarinnar og mæta Schalke á morgun.

„Hjá Barcelona þá gengu hlutirnir einfaldlega bara ekki upp. Þetta fór ekki eins og þetta átti að fara," sagði Coutinho í vikunni.

„Það er fortíðin. Nú er ég kominn í nýtt félag sem ég hlakka mikið til að spila fyrir. Ég verð hérna lengi og vonandi mun ég vinna fullt af titlum hérna."