lau 24. ágúst 2019 21:52
Ívan Guðjón Baldursson
Hólmar Örn á toppnum - Aron kom við sögu
Mynd: Fótbolti.net - Hafliði Breiðfjörð
Hólmar Örn Eyjólfsson fékk að spila síðustu mínúturnar í 1-0 sigri Levski Sofia á Lokomotiv Plovdiv í búlgarska boltanum.

Levski er á toppi efstu deildar með tveggja stiga forystu á Ludogorets sem á leik til góða.

Hólmar er nýlega búinn að ná sér af erfiðum meiðslum en áður fyrr var hann mikilvægur hlekkur í byrjunarliðinu.

Levski Sofia 1 - 0 Lok. Plovdiv
1-0 N. Robertha ('59)

Aron Bjarnason fékk þá síðustu tíu mínúturnar er Ujpest tapaði fyrir Kisvarda í ungversku deildinni.

Ujpest er með fjögur stig eftir fjórar umferðir og hefur Aron aðeins verið að koma inn af bekknum.

Kisvarda 2 - 0 Ujpest
1-0 G. Grozav ('23)
2-0 G. Grozav ('74)
Athugasemdir
banner
banner