Næstsíðasta umferðin í 2. deildinni fer fram á morgun. Vestri og Leiknir F. mætast meðal annars í toppslag í Fjarðabyggðarhöllinni. Vestri getur tryggt sér sæti í Inkasso-deildinni með sigri og Leiknir á einnig möguleika á að fara upp með sigri ef Selfoss vinnur ekki Völsung.
Hörður Ingi Gunnarsson, bakvörður ÍA, spáir í leiki umferðarinnar.
Hörður Ingi Gunnarsson, bakvörður ÍA, spáir í leiki umferðarinnar.
Leiknir F. 1 - 2 Vestri (14:00 á morgun)
Strákarnir hans Bjarna Jó fara austur og sækja öll stigin í erfiðum leik. Hákon skorar óvænt 2 og skálar verðskuldað í kampavíni um kvöldið.
Selfoss 1 - 0 Völsungur (14:00 á morgun)
Selfoss tekur þetta að lokum en þetta verður ekki mikil skemmtun. Tokic sem er svindlkall í þessari deild setur hann úr skalla eftir hornspyrnu.
Þróttur V. 2 - 2 Víðir (14:00 á morgun)
Stærsti leikur ársins á suðurnesjunum og hann verður í betri kantinum. Get lofað því að það verða mörk í Vogunum.
Dalvík/Reynir 1 - 3 ÍR (14:00 á morgun)
Gunnar Óli elskar loftið fyrir norðan og setur 2 í nýja vapornum og leggur hann á pönnuna á Áka sem innsiglar flottan sigur.
Tindastóll 0 - 3 Kári (14:00 á morgun)
Það fer ekkert í gegnum vörnina þegar sópurinn Sverrir Smára er fyrir framan Bigga Ellings hjá Kára. Þetta verður seigla hjá mínum mönnum.
KFG 1 - 4 Fjarðabyggð (14:00 á morgun)
Austfjarðartröllin sigla þessu örugglega á teppinu í Garðabænum. Færð mikið fyrir peninginn ef þú mætir á þennan leik.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir