Ída Marín Hermannsdóttir, leikmaður Fylkis, er með samningstilboð frá Val en Morgunblaðið greinir frá þessu.
Hin 17 ára gamla Ída Marín verður samningslaus hjá Fylki í október og gæti þá gengið í raðir Vals.
Ída hefur verið í lykilhlutverki hjá nýliðum Fylkis í Pepsi Max-deildinni í sumar en hún hefur skorað sjö mörk í sautján leikjum í sumar.
Ída hefur einnig skorað sex mörk í nítján leikjum á ferlinum með yngri landsliðum Íslands.
Foreldrar hennar eru Ragna Lóa Stefánsdóttir og Hermann Hreiðarsson en þau léku bæði fjölmarga landsleiki á ferli sínum.
Lokaumferðin í Pepsi Max-deild kvenna fer fram á laugardginn og þar getur Valur orðið Íslandsmeistari með sigri eða jafntefli við Keflavík. Fylkir spilar á sama tíma við Breiðablik sem er í 2. sætinu.
Eiður Benedikt Eiríksson, aðstoðarþjálfari Vals, var spurður út í sögusagnir með Ídu eftir leik liðsins gegn Breiðabliki á sunnudaginn. „Það hefur enginn leikmaður samið við okkur," sagði Eiður.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir