Val Fótbolta.net var opinberað á Heimavellinum í gærvöld.

Smelltu hér til að hlusta á Heimavöllinn

„Það var ógeðslega gaman að taka þetta á heimavelli," sagði Elín Metta en Valur varð Íslandsmeistari um helgina eftir 3-2 sigur á Keflavík í lokaumferðinni. Elín Metta segir að tímabilið hafi verið það besta á ferlinum.

„Mér fannst þetta vera langskemmtilegasta tímabil sem ég hef spilað. Það var ógeðslega gaman inni á vellinum og þá nær maður því besta út úr sínum leik," sagði Elín Metta í Heimavellinum.

Elín Metta er 24 ára gömul og í námi í læknisfræði. Hún útilokar ekki að fara út í atvinnumennsku síðar. „Ég er mjög ánægð á Íslandi. Umgjörðin í Val er frábær og ég er mjög ánægð með æfingafélagana. Ég hef ákveðið að vera hér og nú og pæla ekki í framtíðinni strax. Ég útiloka samt ekkert," sagði Elín Metta.

Sjá einnig:
Úrvalslið Pepsi Max-deildar kvenna 2019