Fylkismenn tilkynntu á fréttamannafundi nú rétt í þessu að Atli Sveinn Þórarinsson og Ólafur Stígsson verði aðalþjálfarar liðsins í Pepsi Max-deildinni næsta sumar.
Ólafur Ingi Skúlason, sem var fyrirliði Fylkis í sumar, verður spilandi aðstoðarþjálfari liðsins.
„Við höfum ákveðið að fara nýjar leiðir í þjálfaramálum hjá félaginu," sagði Hörður Guðjónsson, framkvæmdastjóri Fylkis, á fréttamannafundinum í dag.
Ólafur Ingi Skúlason, sem var fyrirliði Fylkis í sumar, verður spilandi aðstoðarþjálfari liðsins.
„Við höfum ákveðið að fara nýjar leiðir í þjálfaramálum hjá félaginu," sagði Hörður Guðjónsson, framkvæmdastjóri Fylkis, á fréttamannafundinum í dag.
Ólafur Stígsson er fyrrum leikmaður Fylkis en hann hefur undanfarin þrjú ár verið aðstoðarþjálfari liðsins við hlið Helga Sigurðssonar. Fylkir tilkynnti í síðasta mánuði að Helgi myndi ekki halda áfram þjálfun liðsins en hann tók í kjölfarið við ÍBV.
Atli Sveinn ólst upp hjá KA en hann lék með Örgryte í Svíþjóð í fjögur ár áður en hann fór í Val árið 2005 þar sem hann spilaði til ársins 2012 og varð meðal annars Íslands og bikarmeistari.
Hinn 39 ára gamli Atli lauk fótboltaferlinum með KA árið 2015 en í kjölfarið sneri hann sér að þjálfun. Atli hafði síðustu ár ferilsins einnig þjálfað yngri flokka hjá KA.
Árið 2016 var Atli Sveinn þjálfari hjá Dalvík/Reyni í 3. deild og ári síðar stýrði hann 2. flokki KA. Í febrúar 2018 tók hann síðan við sem yfirþjálfari yngri flokka hjá Stjörnunni. Hann hætti störfum þar um helgina.
Ólafur Ingi Skúlason gekk til liðs við Fylki um mitt sumar í fyrra eftir langan og farsælan feril í atvinnumennsku erlendis. Hinn 36 ára gamli Ólafur Ingi er að afla sér þjálfararéttinda þessa dagana en hans hlutverk í Árbænum snýr meðal annars að séræfingum.
Athugasemdir