De Gea fór meiddur af velli í leik með spænska landsliðinu og gæti argentínski markvörðurinn Sergio Romero tekið sæti hans í byrjunarliði Rauðu djöflanna.

Romero er 32 ára og hefur verið hjá Man Utd í rúmlega fjögur ár en aldrei tekist að vinna sér inn sæti í byrjunarliðinu. Hann var aðalmarkvörður Argentínu þar til í fyrra og á 96 leiki að baki fyrir þjóð sína.

Romero hefur staðið sig mjög vel hjá Man Utd þrátt fyrir lítið af tækifærum. Hann hefur haldið hreinu í sex af sjö úrvalsdeildarleikjum sem hann hefur spilað fyrir félagið og þá hefur Man Utd aldrei tapað 90 mínútna leik á Old Trafford með hann í byrjunarliðinu (17 sigrar, 5 jafntefli).

Óljóst er hvort De Gea nái leiknum en stuðningsmenn Man Utd þurfa ekki að óttast því tölfræði Romero í úrvalsdeildinni er betri heldur en hjá De Gea á flestum sviðum.

Liverpool er með fullt hús stiga eftir átta fyrstu umferðir tímabilsins. Man Utd hefur farið illa af stað og er hægt að sjá muninn á liðunum á stöðutöflunni hér fyrir neðan.