Heimild: Íslendingavaktin
Landsliðsmarkvörðurinn Ögmundur Kristinsson er mikilvægur hlekkur í liði AE Larissa í efstu deild gríska boltans en samningur hans við félagið rennur út næsta sumar.
Í Grikklandi er talað um að Ögmundur sé í samningsviðræðum við Larissa. Búist er við að hann skrifi undir þriggja ára samning von bráðar.
Ögmundur var valinn besti leikmaður Larissa fyrir frammistöðu sína á síðustu leiktíð og hefur haldið áfram að gera vel í haust. Hann er búinn að spila alla sex leiki liðsins í deildinni og hefur tvisvar verið valinn í lið umferðarinnar.
Í grískum fjölmiðlum hefur Ögmundur verið orðaður við Rangers og Kayserispor. Frá þessu greinir Íslendingavaktin.
Athugasemdir