Emmanuel Petit, fyrrum miðjumaður Arsenal, skilur ekki hvers vegna Granit Xhaka var valinn sem fyrirliði félagsins.
Petit gagnrýndi Arsenal eftir vandræðalegt 1-0 tap gegn Sheffield United í ensku úrvalsdeildinni og sagði að Xhaka ætti ekki að bera fyrirliðabandið.
„Getið þið ímyndað ykkur Patrick Vieira á vellinum gegn Sheffield? Hann hefði verið öskrandi á liðsfélagana til að koma þeim í gang, eitthvað sem ég hef aldrei séð hjá Xhaka," sagði Petit við Paddy Power.
„Ég sé þetta hjá Guendouzi, hann er einn af þeim fáu sem sýnir sigurvilja í hverjum einasta leik. Hann er með ljónshjarta.
„Getur einhver sagt mér í hverju Xhala er góður? Ég skil ekki hvers vegna hann er fyrirliði, hann hefur enga leiðtogahæfileika."
Athugasemdir