Þetta var þriðji leikur Håland, sem er sonur Alf-Inge Håland fyrrum leikmanns Manchester City, í keppninni og er hann kominn með sex mörk. Håland skoraði þrennu gegn Genk og eitt gegn Liverpool í fyrstu tveimur umferðunum.

Håland var lykilmaður í liði Molde þegar Salzburg keypti hann yfir til Austurríkis. Hann er kominn með 20 mörk í 13 leikjum á tímabilinu eftir að hafa gert 1 mark í 5 leikjum undir lok síðasta tímabils.

Håland er fyrsti leikmaður sögunnar til að skora sex mörk í fyrstu þremur leikjum sínum í Meistaradeildinni.

Til gamans má geta að þetta var fyrsta tap Salzburg á heimavelli síðan í nóvember 2016.