Unai Emery hefur ekki átt góðu gengi að fagna sem stjóri Arsenal. Emery byrjaði þokkalega með liðið á sínu fyrsta tímabili en það fjaraði undan gengi liðsins í fyrra og liðinu mistóskt að enda í Meistaradeildarsæti í vor.

Tímabilið í ár hefur farið illa af stað en liðið situr þó í 6. sæti deildarinnar. Arsenal liðið hefur verið langt í frá sannfærandi að undanförnu og tapað niður forskoti þegar liðið hefur náð að skora. Arsenal tapaði svo sannfærandi gegn Leicester, 2-0, á útivelli um helgina. Þá héldu margir að Emery yrði látinn fjúka en hann er með fullt traust frá stjórn félagsins.